Najmanje 12 osoba stradalo je u monsunskim kišama u pakistanskom lučkom gradu Karači, saopštile su danas lokalne vlasti i dodale da su na tom području poplave koje su uzrokovale i nestanak električne energije.

Većina žrtava je stradala u strujnim udarima pošto su električne mreže u lošem stanju, navele su vlasti Karačija sa 20 miliona stanovnika.

Dijelovi tog grada nisu imali struju nekoliko sati, a u pojedinim zonama električne energije nema danima.

Nekoliko stotina ljudi stradalo je posljednjih nedjelja u monsunima u južnoj Aziji.

Monsunska sezona u Aziji, koja traje od juna do septembra, važna je za navodnjavanje usjeva i vodosnabdijevanje tog područja, gdje živi jedna petina svjetskog stanovništa. Međutim, svake godine od monsunskih kiša strada velikih broj ljudi i bude pričinjena materijalna šteta.