Fudbaleri Čelsija pobijedili su danas u gostima Krasnodar sa 4:0, u drugom kolu Grupe E Lige šampiona.

Prvi gol za Čelsi je postigao Kalum Hadson-Odoi u 37. minutu. On je šutirao sa 14 metara, golman Krasnodara Matvej Safonov je loše reagovao i lopta je završila u golu.

Prednost Čelsija je duplirao Timo Verner u 76. minutu golom iz penala. Nakon šuta Kristijana Pulišića lopta je u ruku pogodila Aleksandra Martinoviča i sudija je pokazao na bijelu tačku.

Strijelac trećeg gola bio je Hakim Zijeh u 79. minutu, nakon asistencije Vernera, a konačan rezultat je postavio Pulišić u 90. minutu.

Nakon dva odigrana kola, Čelsi ima četiri, a Krasnodar jedan bod.

Večeras će Sevilja i Ren odigrati drugi meč Grupe E.

U narednom kolu Čelsi će dočekati Ren, dok će Krasnodar gostovati Sevilji.