Vozač Red Bula Maks Verstapen bio je najbrži na današnjem prvom slobodnom treningu pred trku Formule 1 za Veliku nagradu Austrije.

Lider šampionata je ostvario vrijeme od 1:05,143 minuta i iza sebe je ostavio dvojac iz Ferarija. Šarl Lekler je bio sporiji za 0,266, a Karlos Sainc za 0,288 sekundi.

Četvrto vrijeme imao je vozač Mercedesa Valteri Botas, peti je bio Juki Cunuda u Alfa Tauriju, a šesti vozač Alfa Romea Kimi Raikonen.

Aktuelni šampion Formule 1, vozač Mercedesa Luis Hamilton, koji za Verstapenom zaostaje 18 bodova, prvi trening je završio kao sedmi s vremenom 1:05,709.

Do desetog mjesta su još i Pjer Gasli, Serhio Peres i Lando Noris.

Drugi slobodan trening na programu je kasnije danas.