Fudbaleri Specije i Parme odigrali su danas neriješeno 2:2, u meču 24. kola italijanske Serije A.

Gosti su poveli preko Jana Karamoa u 17. minutu, a osam minuta kasnije Ernani je uvećao prednost Parme.

Do kraja prvog poluvremena domaćoj ekipi poništen je gol Đulija Mađorea u 39. minutu, nakon pregledanja VAR-a i ofsajd pozicije u kojoj se našao igrač.

Bod Speciji donio je Emanuel Gjasi golovima u 52. i 72. minutu.

Parmi je ovo 15. meč bez pobjede u domaćem prvenstvu, a posljednju pobjedu zabilježila je protiv Đenove 30. novembra prošle godine.

Na tabeli Serije A, Specija je na 16. mjestu sa 25 bodova, dok ekipa Parme na pretposljednjem mjestu ima 15 bodova.